Шавкат Мирзиёев 26 январь куни йиғилишда соғлиқни сақлаш вазири Беҳзод Мусаевга у республикадаги барча бош шифокорларни таниши кераклигини айтди. Бу ҳақда президентнинг фаолиятига бағишланган "Менимча" лойиҳасида маълум қилинди.
“Вазир биронта 'больница главврач'ини танимасди. Тошкентдагини танирди, бошқа, Андижон, Қорақалпоғистондагини танимасди. Сен ҳаммани танишинг керак, қишлоқ шифокорлик пунктиникини ҳам таниш керак. Қишлоқ врачлик пункти — сенинг маҳалланг. Бирламчи бўғинга тушиш керак. Мен сенга қанча ўргатяпман.
Сен ҳам буни эплолмасанг, Ўзбекистонда тиббиётни ҳеч ким эплолмас экан. Ёпишимиз керак бу вазрликни”, - деди Мусаевга давлат раҳбари.
