"Ҳудудгаз пойтахт" Матбуот хизматининг хабарига кўра, Тошкент айланаси бўйлаб қурилаётган метро йўналишига тўғри келиб қолган Хонабод кўчасидаги юқори босим Д - 720 мм ер ости газ қувурининг йўналишини ўзгартириш ҳамда монтаж ишлари тугатилганлиги муносабати билан ҳаракатдаги газ қувурини кесиш ва улаш ишлари режалаштирилмоқда.
Шу сабабли, 2022 йил 31 январь куни соат 9:00 дан 18:00 гача:
— Тошкент вилояти Зангиота туманида;
— Тошкент шаҳар Сергели туманида;
— Бектемир ва Миробод туманлари кесишмасидаги Баратхўжа, Қўйлиқ овул, Бадахшон кўчаларидаги аҳоли хонадонларида ҳамда улгуржи истеъмолчиларида табиий газ таъминоти вақтинча тўхтатилади.
Таъмирлаш ишлари тугатилгандан сўнг, табиий газ қайта тикланади.
