Ўзгидромет хабарига кўра, ушбу ҳафта давомида Ўзбекистон бўйича об-ҳавонинг кескин ўзгариши кузатилмайди.
31 январь ва 1-4 февраль кунлари республика бўйича ёғингарчилик бўлмайди, фақат 2 февралда жанубий ҳудудларда бироз ёмғир ёғади. Кечаси ва эрталаб баъзи жойларда туман тушади. Шамол асосан кучсиз бўлади.
Кечалари ҳарорат 0…+5 даража атрофида, баъзи жойларда -2 ва шимолда ҳафта бошида -4 даражагача бўлади.
31 январдан 3 февралга қадар кундузги ҳарорат +5…+10 даража атрофида, баъзи жойларда эса +12 даражагача бўлади.
4 февраль куни ер босимининг кескин пасайиши бошланади ва ҳарорат +11…+14, жанубда эса +15…+17 даражагача кўтарилади. Республика бўйича баъзи жойларда шамол тезлигининг 17-22 метргача кучайиши кутилмоқда.
