Давлат хизматлари марказлари Ахборот хизматининг айтишича, эски ҳайдовчилик гувоҳномасини янги намунадагисига алмаштириш жорий йилнинг 31 декабрь кунига қадар давом этади. Бунда қайта имтиҳон варақаси талаб этилмайди.
Эски ҳайдовчилик гувоҳномалари қуйидаги муддатларда янгисига мажбурий алмаштирилади:
● 2010 йилгача берилганлари – 2022 йил 31 мартгача;
● 2010 – 2012 йилларда берилганлари – 2022 йил 30 июнгача;
● 2013 – 2015 йилларда берилганлари – 2022 йил 30 сентябргача;
● 2015 йилдан кейин берилганлари – 2022 йил 31 декабргача.
Давлат хизматлари марказларида эски намунадаги ҳайдовчилик гувоҳномани ҳужжатнинг янги намунадагисига алмаштириш имкони яратилган.
Хизматдан фойдаланиш учун рўйхатдаги ИИББ ЙҲХБ бўлимларига ҳам мурожаат қилиш мумкин.
