Украинанинг “Дія” давлат хизматлари портали Ўзбекистондан DDoS ҳужумига учради. Бу ҳақда Украина рақамли трансформатсия вазири Михаил Федоров маълум қилди.
“Соат тахминан 20:00 да “Дія” порталига DDoS ҳужуми бошланди. Бошланғич вектор Россия ва Хитойдир. Бир сонияда тахминан 600 000 пакет зарарли трафик. Мутахассисларимиз бу йўналишни тезда “кесди”. Аммо, ҳужум Чехия ва Ўзбекистондан қайтди. Лекин бу ҳужум ҳам яна қайтарилди.
Биз доимий босим ва провокациялар остида ишлаймиз, лекин имкон қадар сафарбар ва консентрланган ҳолда ишлаймиз. Тинчланинг ва давом этинг”, - ёзади Федоров ўзининг Telegram-каналида.
