Ўзгидромет хабарига кўра, бугун, 21 февраль куни Ўзбекистон ҳудудида баҳорий илиқ, ёғингарчиликсиз об-ҳаво бўлиши кутилмоқда. Кундуз куни ҳарорат +18…+21 даражача кўтарилади.
Эртага, 22 февралдан ҳафтанинг охиригача Кавказдан булутли массивлар кириб келиши кутилмоқда. Бунда республиканинг айрим жойларида вақти-вақти билан бироздан ўртачагача бўлган ёмғир ёғади, тоғларда ёғингарчилик (ёмғир, қор) бўлади. Ҳаво ҳарорати асосан кечалари +4…+9 даража, кундуз кунлари +13…+18 даража бўлиши кутилмоқда.
Пойтахтда ҳафта давомида қуруқ ва илиқ об-ҳаво кутилмоқда. Фақат 25 февраль, жума куни бироз ёмғир ёғиш эҳтимоли бор.
Ҳафта давомида республиканинг тоғли ҳудудларида қор кўчиши хавфи бор.
