Алишер Усмоновга тегишли USM Holding "Капиталбанк" АТБ устав капиталидаги акцияларининг 61,54 фоизига биргаликда эгалик қилувчи "Телекоминвест" МЧЖ (Россия) ва "FINANCE TCI" МЧЖ (Ўзбекистон) устав капиталидаги 100 фоиз улушини сотганини маълум қилди.
Сотув битимининг тижорий шартлари — акциялар кимга ва қандай шартларда сотилганлиги очиқланмаган.
Маълумот учун USM — металлургия ва тоғ-кон саноати, телекоммуникация, технология ва молиявий хизматлар соҳаларидаги активларга эгалик қилувчи ва уларни бошқарадиган Россиянинг диверсификацияланган холдинг компанияси.
Гуруҳ активлари орасида Metalloinvest, MegaFon, Udokan Copper ва Ackermann Cement каби етакчи саноат иштирокчилари бор. USM илғор технологияларни ривожлантириш маркази (CRPT) акциядори ҳисобланади.
