Ўзбекистоннинг Сеулдаги элчихонаси, Корея ёнғин хавфсизлиги хизмати, Корея-Ўзбекистон бизнес ассоциацияси ва Корея ёнғин хавфсизлиги ассоциацияси вакиллари билан биргаликда Пусан портида 8 та ёнғин ўчириш бўлинмасини Ўзбекистонга жўнатиш маросимида иштирок этди.
Ўзбекистон Фавқулодда вазиятлар вазирлиги эҳтиёжлари учун махсус ёнғин ўчириш ва тез ёрдам автомашинаси, шунингдек, ҳимоя воситалари ва жиҳозлари бепул тақдим этилди.
Ушбу ускуналарни Ўзбекистонга етказиб бериш жорий йилнинг апрель-май ойларида режалаштирилган. Жанубий Корея томони ускуналарни топширишдан ташқари, ушбу ускунани ишлатиш бўйича ўқув курсларини ташкил этишни ҳам режалаштирган.
