Яшнобод тумани ИИО ФМБга келиб тушган хабарга кўра, 19 март куни соат 20:00 ларда номаълум шахс “UZPAYNET” МЧЖга тегишли умумий қиймати 22 млн сўмлик инфокиоскни ўғирлаб, ўзининг Nexia русумли автомашинасига жойлаб, кимсасиз жойга олиб борган.
У ерда инфокиоскни очиб, ичидаги 3 млн 83 минг сўм пулларни ўзлаштирган.
Кўрилган чора-тадбирлар натижасида, гумонланувчи шахс 27 ёшли Абдуазим М. бўлиб чиқди ва қўлга олинди.
Мазкур ҳолат бўйича тўпланган ҳужжатлар Яшнобод тумани ИИО ФМБга юборилган.
