Тошкентда ўз хонадонида итни ўлдирган эркакка суд ҳукми ўқилди. Бу ҳақда “Ҳаёт” Ҳайвонларни ҳимоя қилиш жамияти хабар берди.
Хабар қилинишича, воқеа 2 апрель куни содир бўлган. Бир неча кундан сўнг, биринчи суд мажлиси бўлиб ўтган. Унда безорилик учун 5 суткага маъмурий қамоққа жазоси тайинланган.
Жамоатчилик талаби билан 11 апрель куни иккинчи суд мажлиси бўлиб ўтди ва унда энг кам иш ҳақининг 3 баравари миқдорида жарима тўлаш ҳақидаги ҳукм чиқарилди.
"Бизнингча, суд адолатсиз қарор чиқарди. Энг кам ойлик иш ҳақининг 3 баравари, тахминан 2,5 миллион сўм миқдорида жарима солди", - дейилади Ҳайвонларни ҳимоя қилиш жамияти хабарида.
