Бугун, 18 апрель кунида кучли шамол ва ёмғир ёғиши кутилмоқда. Бу ҳақда пойтахт ҳокимлиги Матбуот хизмати хабар бермоқда.
Маълум қилинишича, шамол дарахтлар ва шоҳларни синдириши, мустаҳкам ўрнатилмаган конструкцияларни ўрнидан қўзғатиши мумкин. Бундан уларнинг остидаги одамлар ва автотранспорт воситаларига шикаст етиши мумкин.
Ҳокимлик аҳолидан кучли шамол кузатилганида кўчада ҳаракатланмасликни, автомобилларни дарахтлар ва бошқа турли мустаҳкам бўлмаган конструкциялардан узоқроқ, хавфсиз жойга қўйишни сўрамоқда.
