Аввалроқ, ижтимоий тармоқларда террорчилик гуруҳи жангарилари Афғонистон ҳудудидан Ўзбекистоннинг Термиз шаҳридаги ҳарбий объектларига ракеталар билан зарба бергани ҳақида хабарлар тарқалди. Ҳолат юзасидан Президент матбуот котиби Шерзод Асадов муносабат билдирди.
Қайд этилишича, Термиз шаҳри атрофида Ўзбекистон ҳарбийлари Афғонистон ҳудудидан ракеталар билан ўққа тутилгани тўғрисида тарқатилаётган хабарлар мутлақо ҳақиқатга тўғри келмайди.
Ўзбекистон Мудофаа вазирлиги ва Чегара қўшинлари берган маълумотга кўра, Ўзбекистон-Афғонистон чегарасида ҳеч қандай ҳарбий фаоллик кузатилмаяпти, вазият барқарор.
