Аввалроқ, ижтимоий тармоқларда Тошкентда Matiz ҳаракатланаётган вақтда йўловчи салондан танасини чиқриб олагни акс этган видео тарқалди.
Мазкур ҳолат юзасидан Тошкент шаҳар ИИББ муносабат билдирди.
Қайд этилишича, видеодаги тасвирлар Юнусобод тумани Қизил деҳқон кўчаси атрофида содир бўлган.
Икки фуқаро ўзига тегишли бўлмаган Matiz автомашинасида хавфли ҳолат содир этиб, буни видеога олган ва ижтимоий тармоққа жойлаштирган.
Тошкент шаҳар ИИББ ходимлари томонидан ҳуқуқбузарларнинг шахси аниқланиб, ички ишлар органига чақиртирилган.
"ТикТокка видео чиқарганманмиз. Хавфли ҳолат яратганмиз болалар билан. Бу воқеага икки йилдан ошиқ вақт ўтганди. Ўртоқларим билан жиннилик қилиб қўйганмиз.
Қилган ишимиздан афсусдаман. Бошқа қайтарилмаслигига ваъда бераман”, - дейди ҳуқуқбузарлардан бири.
Ҳозирда ҳолат юзасидан суриштирув ишлари олиб борилмоқда.
