Иккинчи жаҳон уруши йилларида Ленинград блокадаси қурбонларига бошпана берган аҳолига ёдгорлик ўрнатиш учун жой ажратилди. Бу ҳақда пойтахт ҳокимлигининг матбуот хизмати хабар бермоқда.
Ушбу масала тафсилотлари Санкт-Петербург Ташқи алоқалар бўйича қўмитаси раиси Евгений Григорьев бошчилигидаги делегация ташрифи давомида муҳокама қилинган.
Тамал тошини тантанали равишда қўйиш кузда Санкт-Петербург губернатори Александр Бегловнинг Тошкентга бўладиган ташрифига режалаштирилиши мумкин.
Ёдгорликни ўрнатилган жойи билан боғлаш ва Санкт-Петербург меъморлари уни миллий анъаналарни ҳисобга олган ҳолда лойиҳалаши учун тошкентлик архитекторларни жалб қилиш режалаштирилган.
