Тошкентда спортчи Оксана Чусовитинанинг деворга чизилган граффити “кийинтириб қўйилди". Бу ҳақда блогер Евгений Скляревский Facebook’да маълум қилди.
Эслатиб ўтамиз, граффити ўтган йилнинг 16 август куни пойтахтлик таниқли рассом Inkuzart томонидан Тошкент шаҳрининг Чилонзор тумани биринчи кварталидаги 103-мактаб яқинидаги турар-жой биноси деворига чизилган эди.
Граффитининг ўзгартилишига унинг муаллифи Inkuzart муносабат билдирди.
“Фақат Ўзбекистондагина рассом чизган суратларни муаллифнинг розилигисиз ўзгартиришса керак”, - дея ёзган у Instagram story’сида.
