Аввалроқ, ижтиомий тармоқларда шифохонада аёллар ва эркак ўртасидаги жанжал акс этган видео тарқалди.
Мазкур ҳолат юзасидан Тошкент шаҳар ИИББ маълумот берди.
Маълум қилинишича, жорий йилнинг 4 май куни тахмиинан соат 20:30 ларда Юнусобод туманида жойлашган хусусий клиникалардан бирида 1992 йилда туғилган аёл Й.Л. ва синглиси 1996 йилда туғилган Й.Х. шифокор кўригига навбатсиз кириб кетган.
Бундан норози бўлган навбатда турган 1993 йилда туғилган эркак М.С. эътироз билдирган. Натижада, улар ўртасида ўзаро жанжал чиққан.
Мазкур ҳолат юзасидан Юнусобод тумани ИИО ФМБ Тергов бўлими томонидан ЖКнинг 277-моддаси (безорилик) аломати билан жиноят иши қўзғатилган. Тергов давом этмоқда.
