Тошкентда мушукни қутқармоқчи бўлган 14 ёшли қиз 5-қаватда осилиб қолди. Бу ҳақда UzNews.uz'га Тошкент шаҳар ФВБ Ахборот хизмати хабар берди.
Маълум қилинишича, бугун, 6 сентябрь куни Тошкент ФВБга Сергели тумани "Иттифоқ" МФЙ Сергели 2-даҳасида жойлашган кўп квартирали уйнинг 5-қаватида 14 ёшли қиз осилиб қолганлиги тўғрисида хабар келиб тушган.
ФВВ қутқарувчилари воқеа жойига зудлик билан етиб борган ва вояга етмаган фуқарони автонарвон ва махсус анжомлар ёрдамида қутқариб қолган.
Қиз 5-қаватга чиқиб, мушукни қутқармоқчи бўлган вақтида эҳтиётсизлик оқибатида ўзи ўша қаватга осилиб қолган.
