Uzbekistan Airways АЖ Матбуот хизматининг хабарига кўра, ноябрь ойи “Кексалар туризми ойи” ҳисобланади ва шу муносабат билан Uzbekistan Airways эконом-класс (K-класс ва ундан юқори) тарифларига 25 фоиз чегирмаларни тақдим этади.
Чегирма 60 ёшдан ошган эркаклар ҳамда 55 ёшдан юқори аёллар учун 2022 йилнинг 1 ноябридан 30 ноябригача амалга ошириладиган парвозларда амал қилади.
Авиачипта харид қилиш жараёнида ёнингизда албатта паспорт ёки ID карта бўлиши лозим.
Чегирма Uzbekistan Airways Sales филиалида ёки авиакомпаниянинг Ўзбекистондаги агентлари томонидан тақдим этилади.
