Тошкент шаҳрида гиёҳванд моддалари савдоси билан шуғулланган 4 нафар шахс ушланди. Бу ҳақда ДХХ хабар берди.
Маълум қилинишича, қўлга олинган фуқароларнинг икки нафари Ўзбекистон, 2 нафари эса Тожикистон ва Қозоғистон фуқаролари бўлишган. Улардан 12,8 кг "опий" ва 27,05 кг "гашиш" наркотик моддалари процессуал тартибда расмийлаштириб олинди.
Тезкор тадбир давомида мазкур шахслар ДХХ ходимларининг қонуний талабларига бўйсунмасдан, воқеа жойидан қочишга уринишган.
Ҳозирда ҳолат юзасидан мазкур фуқароларга нисбатан Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
