Тошкент вилояти Олмалиқ шаҳрида қотиллик содир этилгани ҳақидаги хабар ижтимоий тармоқларга сиздирилди. Ушбу ҳолат юзасидан Бош прокуратура Ахборот хизмати изоҳ берди.
Аниқланишича, жорий йил 8 август куни Тошкент вилояти Олмалиқ шаҳрида 48 ёшли эркак ўзаро келишмовчилик оқибатида 56 ёшли эркакка пичоқ билан тан жароҳати етказиб, қасддан ўлдирган.
Мазкур ҳолат юзасидан ЖКнинг 97-моддаси 1-қисми (қасддан одам ўлдириш) билан жиноят иши қўзғатилган ва гумонланувчи шахс процессуал тартибда ушланган.
