Ташқи меҳнат миграцияси агентлиги эмланган фуқароларни ишлаш мақсадида Россия ҳудудига кириши учун Россия ҳукуматининг рухсатини олиш юзасидан музокаралар олиб борилаётганини маълум қилди.
“Спутник V” вакцинаси Ўзбекистонга олиб келинган ва айни вақтда олимларимиз томонидан ушбу вакцина бўйича тадқиқотлар ўтказилмоқда. Шу билан бирга, ушбу вакцинанинг 1 миллион дозасини харид қилиш, эмланган фуқароларни ишлаш мақсадида Россия ҳудудига кириши учун Россия ҳукуматининг рухсатини олиш юзасидан музокаралар олиб борилмоқда”, дейилади Агентлик хабарида.
Шунингдек, Ташқи меҳнат миграцияси агентлиги ижтимоий тармоқларда тарқалган ўзбекистонлик мигрантларни Россияга киришда бепул эмлаш бошлангани ҳақидаги хабарлар юзасидан ҳам муносабат билдирди.
Қайд этилишича, ушбу хабарларга илова қилинаётган расмга эътибор берилса, бир фуқаронинг “Спутник V” вакцинаси тадқиқотларида иштирок этганини тасдиқловчи сертификат экани қайд этилган бўлиб, Россияга киришда эмлангани баён этилмаган.
“Шу ўринда қайд этиш лозимки, дунёнинг турли давлатларида коронавирусга қарши кўплаб вакциналар ишлаб чиқиш бўйича илмий ишлар олиб борилмоқда. Ушбу илмий тадқиқотларда иштирок этиш ва коронавирусга қарши эмланиш бошқа-бошқа жараён ҳисобланади”, дейилади Агентлик муносабатида.
Аввалроқ, Ўзбекистон Россияда патент олишда талаб этиладиган тиббий маълумотномани Ўзбекистонда олишни жорий этиш юзасидан таклиф киритганди.
