Бугун, 11 октябрь куни соат 08:50 да пойтахтнинг Учтепа тумани Фарҳод кўчасида жойлашган Uchtepa Outlet Centre кийим дўконида ёнғин чиққани ҳақида хабар келиб тушган, дея ёзмоқда ФВВ матбуот хизмати.
ФВВнинг ёнғин-қутқарув хизмати ҳодиса жойига 3 дақиқа ўтиб етиб келган. Соат 09:54 да ёнғин тўлиқ бартараф қилинган.
Ёнғинни ўчириш учун 10 та ёнғин-қутқарув техникаси жалб қилинган. Маълум қилинишича, ёнғин оқибатида 1500 квадрат метр майдон ёнган. Жабрланганлар тўғрисидаги маълумот аниқланмоқда.
Айни пайтда ёнғин сабаблари ва етказилган моддий зарар миқдори аниқланмоқда.
