Президентнинг "Футбол соҳасини рақамлаштириш ва унинг оммавийлигини янада ошириш чора-тадбирлари тўғрисида"ги фармонига мувофиқ, 2026 йил 1 мартдан бошлаб футбол ўйинига чипта сотиб олиш учун шахсни идентификациядан ўтказиш талаб этилади.
Ушбу чора айниқса йирик ўйинлар вақтида чипталар билан боғлиқ сохталикларнинг олдини олишга хизмат қилади.
Шу билан бирга, мамлакатда замонавий технологиялар — QR-кодлардан фойдаланган ҳолда чипталарни рўйхатдан ўтказиш тизими жорий этилади.
2025 йил декабрь ойи якунига қадар информацион тизимнинг техник ҳужжатлари ишлаб чиқилиб, тасдиқланиши лозим. Уни яратиш ва зарур ресурслар билан интеграция қилиш 2026 йил февраль ойига белгиланган.
Янги чора-тадбирларни амалга ошириш учун масъул ташкилотлар этиб Ўзбекистон футбол ассоциацияси ҳамда Рақамли технологиялар вазирлиги белгиланди.
Комментарии