Хитой Суперлигаси вакили “Чанчунь Ятай” клуби раҳбарияти ўзбекистонлик бош мураббийи Самвел Бабаянни истеъфога чиқарди. Унинг ўрнини Яен Янг бош мураббий этиб тайинланган.
Бабаян Хитой клубини 2019 йилнинг декабридан бошқариб келаётганди.
Эслатиб ўтамиз, қисқа муддатга футболдан умрбод четлатилган мутахассис Тошкентнинг “Пахтакор”, “Локомотив” клубларини ва Ўзбекистон миллий терма жамоасини бошқарган.
Аввалроқ, Хитой чемпионатида тўп сурувчи Одил Аҳмедов ўз жамоасини ўзгартирганди. "Шанхай СИПГ"да ўйнаган ўзбекистонлик ярим ҳимоячи "Тяньцзинь Тэда" клубига ўтганди.
