Тошкент вилоятида фирибгарликда айбланиб, қидирувда бўлган ИИО ходими қўлга олинди

Бош прокуратуранинг UzNews.uz’га хабар қилишича, 27 октябрь куни уйидан чиқиб кетганича қайтмаган Зафаробод тумани ИИБ ходими М.Р. топилди.

Қайд этилишича, у Тошкент вилояти Бўстонлиқ туманида яшириниб юргани аниқланиб, қўлга олинган.

1991 йилда туғилган Раҳматуллаев Зафаробод тумани ИИБ ППХ ва ЖТСБ ходими бўлган. У 6 декабрдан бери қидирувда эди.

Маълумотларга кўра, унга нисбатан 2025 йил 19 ноябрь куни Жиноят кодексининг 168-моддаси (фирибгарлик) бўйича жиноят иши қўзғатилган.

Фирибгарлик ҳолатининг тафсилотлари ҳозирча ошкор қилинмаган.