Тошкент шаҳар ИИББ Матбуот хизмати хабарига кўра, бугун, 16 январь куни 37 ёшли фуқаро Г.А., шунингдек, Tafthish.uz оммавий ахборот воситасининг тўрт нафар ходими: А.Ю., С.Х., М.Э. ва Д.Н. қўлга олинган.
Улар ЖКнинг 165-моддаси (товламачилик) ва 168-моддаси (фирибгарлик)да назарда тутилган жиноятларни содир этганликда гумонланмоқда.
Шунингдек, уларнинг ЖКнинг 139-моддаси (туҳмат) ва 244-4-моддасида (учувчисиз учадиган аппаратларни қонунга хилоф равишда олиб кириш, ўтказиш, олиш, сақлаш ёки улардан фойдаланиш) назарда тутилган жиноятларга алоқадорлиги текширилмоқда.
Иш материаллари бўйича қўшимча маълумотлар кейинроқ тақдим этилади.
Комментарии