Вилоят ИИБ ЙҲХБ хабарига кўра, ҳодиса жорий йилнинг 17 январь куни соат 07:00 атрофида А-379 "Навоий - Учқудуқ" халқаро автомобиль йўлининг Томди тумани "Томдибулоқ" маҳалласи ҳудудидан ўтган қисмида содир бўлган.
Навоий - Зарафшон йўналишида ҳаракатланган ZHONG TONG BUS русумли автобус ҳайдовчиси бошқарувни йўқотиб, йўлнинг қарама-қарши томонига чиқиб ағдарилиб кетган.
Ушбу ЙТҲ оқибатида икки нафар жабрланувчи тан жароҳатлари билан шифохонага ётқизилган.
Ҳозирда мазкур ҳолат юзасидан ЖКнинг 266-моддаси 1-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, январь ойи бошида ушбу автомобиль йўлида йўловчи автобуси иштирокида ЙТҲ содир бўлган ва икки киши ҳалок бўлганди. Тўққиз нафар йўловчи жароҳат олган.
Комментарии