Жорий йилнинг 6-22 февраль кунлари Милан-Кортина-2026 қишки Олимпия ўйинлари бўлиб ўтади. Ушбу йилнинг энг нуфузли мусобақаларидан бирига ўзбекистонлик спортчилар 4 та йўлланма қўлга киритишди.Бу ҳақда Ўзбекистон МОҚ Матбуот хизмати хабар берди.
Саралаш цикли якунига кўра, Дмитрий Чигирев ҳамда Екатерина Гейниш фигурали учишнинг жуфтлик, Медет Назаров тоғ чанғисининг слалом ва гигант-слалом, Даниил Ейбог шорт-трекнинг 500 метр масофага югуриш йўналишларида Олимпиада йўлланмаларига сазовор бўлишди.
Тайёргарлик жараёнида Дмитрий Чигирев жароҳат олиб, Олимпиадагача тиклана олмади. Шу боис, мусобақаларда спортчилар тоғ чанғиси ва шорт-трек дастурларида стартга чиқишади.
Эслатиб ўтамиз, бўлажак қишки Олимпия ўйинлари 6-22 февраль кунлари Италиянинг Милан ҳамда Кортина-д'Ампессо шаҳарларида ўтказилади.
Комментарии