Хитойнинг Сянъян шаҳрида (Хубэй вилояти) жойлашган пиротехника дўконида содир бўлган портлаш натижасида 12 киши ҳалок бўлди. Бу ҳақда Синьхуа маҳаллий ҳокимият органларига таяниб хабар берди.
Маълум қилинишича, ёнғин ва портлаш тахминан 50 квадрат метр ҳудудни қамраб олган. Ҳодиса жойида 12 нафар ҳалок бўлган шахснинг жасади топилган. Дастлабки маълумотларга кўра, қурбонлар орасида дўкон эгаси ҳамда байрам муносабати билан мушакбозлик харид қилиш учун келган мижозлар бўлган.
Ёнғин бартараф этилган. Фавқулодда ҳолат сабаблари аниқланмоқда.
Комментарии