Кеча, 27 март куни Нью-Йорк шаҳрида Ўзбекистон ва Лесото ўртасида дипломатик муносабатлар ўрнатиш тўғрисида Қўшма коммюнике имзоланди.
Икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Лесотонинг БМТдаги миссияси раҳбари Матете Нена имзолади.
Суҳбат чоғида томонлар халқаро ташкилотлар, жумладан, БМТ ва унинг ихтисослашган муассасалари доирасидаги яқин ҳамкорликни мустаҳкамлаш муҳимлигини қайд этдилар.
Лесото - Жанубий Африкадаги анклав давлат бўлиб, бутунлай Жанубий Африка Республикаси ҳудуди билан ўралган. Шунингдек, у бутун ҳудуди денгиз сатҳидан 1400 м дан баланд бўлган дунёдаги ягона давлатдир. Лесото Қироллиги Ўзбекистон билан дипломатик муносабатлар ўрнатган 166-қироллик бўлди.
Комментарии