Маълум қилинишича, 1 апрель куни 17 ёшли йигит дўстлари билан Бозсу темир йўл станциясида турган вагон томига чиқиб, селфи қилмоқчи бўлган. Шу пайт юқори кучланишли электр тизими таъсирида уни ток уриб кетган.
Мутахассислар қайд этишича, вагон устига чиқиш вақтида электр ёйи ҳосил бўлган. Бу эса оғир оқибатларга олиб келиб, ўсмир кучли куйиш жароҳатлари билан пастга қулаб тушган.
Шифокорлар томонидан унга танасининг тахминан 85 фоизи куйгани ташхис қилинган. Жабрланувчи реанимация бўлимига жойлаштирилган бўлиб, унинг аҳволи ўта оғир деб баҳоланмоқда.
Комментарии