Жорий йилнинг 28 апрель куни Ромитан туманида йўл-патруль хизмати ходимлари томонидан Isuzu русумли йўловчи ташувчи транспорт воситаси тўхтатиб текширилганда, ушбу ҳайдовчи маст ҳолатда 40 нафар мактабгача таълим ташкилоти тарбияланувчиларини ташиб юрганлиги аниқланган.
Шунингдек, ушбу ҳайдовчи йўл-патруль хизмати ходимларининг қонуний талабини ҳам бажармаган.Суд қарори билан ҳайдовчига МЖтКнинг 131-моддаси 1-қисми, 194-моддаси 1-қисми ва 128-прим 8-моддаси биринчи қисми билан 3 йилга барча турдаги автотранспорт воситаларини бошқариш ҳуқуқидан маҳрум қилган ҳолда, БҲМнинг 40 баравари миқдорида, яъни 16 млн 480 минг сўм жарима жазоси тайинланган.
“Ўз хатти-ҳаракатларимни тўғри баҳолаб, қоидабузарлик учун афсусдаман. Йўл ҳаракати хавфсизлиги жамият учун муҳим эканини тўлиқ тушунаман ва келгусида бундай ҳолатга йўл қўймасликка қатъиян ваъда бераман”, - дейди ҳайдовчи.
Комментарии