Uzbekistan Airways матбуот хизматининг хабарига кўра, 24-25 сентябрь кунлари қуйидаги жадвал бўйича Тошкент-Токио-Тошкент йўналиши бўйича рейсни амалга ошириш режалаштирилган:
Тошкент-Токио — учиш 24 сентябрь куни соат 22:05да, келиш вақти эса 09:40+1 (маҳаллий вақт билан).
Бир нафар йўловчи учун эконом классдаги чипта нархи 8 млн 705 минг сўм, бизнес-классдаги авиачипта нархи эса 12 млн 534 минг сўмни ташкил қилади.
Токио-Тошкент — учиш 25 сентябрь куни соат 11:05да, келиш вақти - 16:10 (маҳаллий вақт билан).
Мазкур рейс учун эконом классдаги чипта нархи 9 млн 723 минг сўм, бизнес-классдаги авиачипта нархи эса 16 млн 672 минг сўмни ташкил қилади.
Авиачипталарни Uzbekistan Airways sales филиалида ҳамда авиакомпаниянинг расмий сайтида (шу жумладан мобиль илова орқали) харид қилиш мумкин.
