Жорий йил 18 август куни Ҳукуматнинг тегишли қарори билан, Ўзбекистон Республикаси Бош вазири биринчи ўринбосарининг функционал вазифалари тўғрисидаги низом тасдиқланди.
Низомга кўра, Бош вазирнинг биринчи ўринбосари Бош вазирнинг Олий Мажлис Қонунчилик палатаси маъқуллаганидан кейин киритилган тақдимномасига биноан Ўзбекистон Президенти томонидан лавозимга тайинланади ва лавозимдан озод этилади.
Бош вазирнинг биринчи ўринбосари Президентга, Олий Мажлис палаталарига ва Бош вазирга ҳисобот беради.
Шунингдек, бош вазирнинг биринчи ўринбосари ҳудудларни комплекс ижтимоий-иқтисодий ривожлантириш, қурилиш, уй-жой коммунал хўжалик, йўл-транспорт инфратузилмаси, экология каби масалалар учун масъул этиб белгиланди.
Эслатиб ўтамиз, ушбу лавозимда 2016 йил декабрдан буён Ачилбай Раматов ишлаб келмоқда.
