Қарорга кўра, 1 июлдан барча ҳудудларда йирик буюм бозорлари ва буюм савдоси билан шуғулланадиган йирик савдо мажмуалари шанба ва якшанба кунлари санитария-дезинфекция ишларини амалга ошириш учун ёпилади.
«Қизил» ва «сариқ» ҳудудларда соат 07:00дан 23:00га қадар жамоат жойларида 3 кишидан ортиқ тўпланиш ва 23:00дан 07:00га қадар кўчаларда, кўп қаватли уй ва ҳовлилар олдида бўлиш тақиқланади.
Фуқароларга соғлиги ёмонлашганлиги ёки ҳомиладорлиги сабабли шифохонага ҳамда дорихонага бориб-келишларига рухсат берилади.
Қайд этилишича, мазкур талабларни бузган шахсларга нисбатан белгиланган тартибда маъмурий жавобгарлик чоралари қўлланилади.
Бундан ташқари, «қизил» ва «сариқ» ҳудудларда ҳафтанинг шанба ва якшанба кунлари жамоат транспорти ҳаракати камайтирилади.
