28 июнь куни соат 12:10да Наманган вилоятида 9-синф ўқувчиси 16 ёшли Э.М. онасининг номига расмийлаштирилган Damas автомобилини ҳужжатларсиз бошқариб кетаётганида, ҳаракат хавфсизлигини таъминлай олмаган.
ИИВ ҳузуридаги тергов департаментининг хабар беришича, фуқаро бунинг оқибатида шу йўналишда олдинда ҳаракатланиб кетаётган пиёдалар 38 ёшли С.Қ., 44 ёшли И.С. ва 43 ёшли М.Р.ларни уриб юборган.
Натижада С.Қ. олинган жароҳатлар билан ҳодиса жойида вафот этган. И.С. чап оёқ сон суягининг ёпиқ синиши, М.Р. эса бош мия чайқалиши каби жароҳатлар билан шифохонага ётқизилган.
Ҳолат юзасидан ЎзР ЖКнинг 266-моддаси 2-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
