29 июнь соат 17:00 ҳолатига кўра, Ўзбекистонда коронавирус инфекцияси қайд этилганлар сони 8199 (+168) нафарни ташкил этмоқда.
Соғлиқни сақлаш вазирлигининг хабарига кўра, янги касалланиш ҳолатларининг 151 таси Карантин марказидаги фуқаролар орасида, 9 таси Бухоро вилояти (шундан 3 таси коронавирусга чалинганлар билан мулоқотда бўлиб, карантинга олинган фуқаролар орасида, 6 таси аҳоли орасида), 7 таси Тошкент шаҳрида (шундан 5 таси коронавирусга чалинганлар билан мулоқотда бўлиб, карантинга олинган фуқаролар орасида, 2 таси аҳоли орасида) ва яна 1 таси Жиззах вилоятида карантиндаги фуқаролар орасида қайд этилган.
Юртимизда 5426 (+97) нафар коронавирус инфекциясига чалинган фуқаролар тузалиб, соғайиш кўрсаткичи 66 фоизни ташкил қилмоқда.
Айни пайтда тиббиёт муассасаларида 2750 нафар бемор даволанмоқда.
