Тошкент шаҳар ИИББнинг хабарига кўра, 28 июнь куни соат 20:50да Зулфияхоним кўчасида 53 ёшли Spark ҳайдовчиси йўлни белгиланмаган жойдан кесиб ўтмоқчи бўлган 10 ёшли пиёдани уриб юборган.
ЙТҲ оқибатида пиёда тан жароҳатлари билан тиббий муассасага етказилган, аммо шифокорларнинг ёрдамига қарамасдан вафот этган.
Ушбу ҳолат юзасидан ЎзР ЖКнинг 266-моддаси 2-қисми («Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноий иш қўзғатилган.
