ФВВнинг хабарига кўра, 13 май куни соат 02:30дан 04:30гача бўлган вақт оралиғида Навоий вилояти Зарафшон шаҳрида кучли ёғингарчилик сабабли сел келиши кузатилган.
Дастлабки маълумотларга кўра, сел оқибатида 4 хонадон қисман зарар кўрган.
Вазият юзасидан Навоий вилояти ФВБнинг 9та техникаси ва 70 нафар шахсий таркиби воқеа жойига етиб бориб, 300 нафар фуқарони хавфсиз ҳудудга эвакуация қилган.
"Ўз вақтида кўрилган тезкор чоралар натижасида фуқароларнинг ҳаёти сақлаб қолинди", — дейилади хабарда.
