Ўзбекистон Бош прокуратурасининг UzNews.uzга хабар беришича, Департаментнинг Андижон вилоят бошқармаси томонидан ДХХ вилоят бошқармаси ходимлари билан ҳамкорликда ўтказилган тезкор тадбирда фуқаро Б.К. ва унинг ҳамтовоқлари қалбаки 10 000 АҚШ долларини сотаётган вақтда қўлга олинган.
"Валютафуруш"лар 10 000 АҚШ долларини олдиндан тил бириктириб, 6 880 АҚШ долларига сотишга келишиб олганлар. Улар Олтинкўл туманидаги “Майрамхон” канали ёнида фуқаро Ж.М.га қалбаки 7 900 АҚШ долларини бериб, қолган 2 100 АҚШ долларини бошқа чўнтагидан олаётган вақтида тадбир ўтказилаётганлигини сезиб қолиб, воқеа жойидан яшириниш мақсадида “Майрамхон” каналига ўзини ташлаб, қочмоқчи бўлганида ашёвий далиллар билан ушланган.
Мазкур ҳолат юзасидан “валютафуруш”ларга Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
