Соғлиқни сақлаш вазирлигининг хабарига кўра, Бухоро вилояти юқумли касалликлар шифохонасидан 20 нафар бемор буткул соғайди. Улар вилоят соғлиқни сақлаш бошқармаси масъуллари иштирокида реабилитацияга кузатилди.
Тузалган фуқаролар чартер рейс орқали Туркиядан Бухорога келган. Беморларнинг 10 нафари эркак, 10 нафари аёллар. Улар орасида энг ёши каттаси 57 ёшда, энг ёши кичиги 21 ёшда.
Ҳозирги вақтга қадар Ўзбекистонда коронавирус инфекциясидан соғайганлар сони 127 нафарга етди.
