Пойтуғ темир йул бекати бошлиғининг хабар беришича, бугун Қозоғистондан 13та ярим очиқ вагонларда “Миниралс ТА” МЧЖ номига кўмир маҳсулотлари келтирилган.
Бекатнинг 7-йўлига қўйилган вагонлар ғилдиракларининг тагига темир йўл башмаклари маҳкамланмаганлиги сабабли, ушбу ярим очиқ бўш вагонлар паст томонга ҳаракатланиб кетган.
63080675-сонли вагон темир йўлнинг чап томонидаги ариққа тушиб кетган, 60745015-сонли вагоннинг эса олди ғилдираклари темир йўл изидан чиқиб кетган.
Ҳодиса натижасида тан жароҳати олганлар маълум қилинмаган. Ҳозирда қўшимча суриштирув ишлари олиб борилмоқда.
