Бу ҳақда 11 ноябрь куни Бош вазир ўринбосари Азиз Абдуҳакимов "Ипак йўлида туризм" Тошкент халқаро туризм кўргазмасига бағишланган пресс-конференцияда маълум қилди.
"Ташаббус Жерар Депардьенинг ўзидан чиққан. У Ўзбекистоннинг туризм тарғиботини Франциядан ташқари, Европа давлатларида ҳам олиб бориш ниятида экан", - дея қайд этилди тадбирда.
Қайд этиб ўтамиз, айни пайтда Ўзбекистоннинг 14та туризм элчиси фаолият юритяпти. Шундан олтитаси шу кунларда мамлакатимизда бўлиб турибди. Улар "Ипак йўлида туризм" йигирма бешинчи сайёҳлик кўргазмаси очилишида қатнашиши кутилмоқда.
