Ўзгидромет хабарига кўра, бугун Ўзбекистоннинг айрим жойларида булутлар кўпайган, ҳарорат 2-4 даражага тушган.
Бу салқин ҳаво таъсири шанба куни ҳам сақланиб туради. Ҳарорат кечаси +15. . .+18 даражагача пасаяди, кундузи эса +32. . .+35 даража атрофида бўлади.
Якшанба куни тунги ҳарорат аввалгидек бўлади, кундузи эса бироз кўтарилиб, +34. . .+37 даражани ташкил қилади.
"Эслатиб ўтамиз, август ойининг охирги ҳафтаси учун Тошкент шаҳрида ўртача максимал ҳарорат +32. . .+34 даражани ташкил қилади, энг иссиқ йилларда бу кўрсаткич +38. . .+40 даражага етган", - дейилади хабарда.
