Москва давлат халқаро муносабатлар институтининг Тошкентдаги филиали жорий йилнинг 15 июнидан ҳужжатларни қабул қилишни бошлайди. Бу ҳақда филиалнинг расмий сайтида хабар берилмоқда.
15 июндан 1 июлга қадар бакалавриатнинг «Бизнес-информатика» йўналишига, 15 июндан 20 июлга қадар эса магистратуранинг «Юриспруденция» ва «Бизнес-информатика» дастурларига ҳужжат топшириш мумкин.
Бакалавриат дастурига рус ва хорижий тил ҳамда математика бўйича кириш имтиҳонлари 3, 5 ва 7 июль кунлари бўлиб ўтади.
Тўлиқ маълумот ва талаблар рўйхати билан бу ерда танишишингиз мумкин.
