1 июнь куни Португалиянинг Лейрия провинциясида 36 ёшли Ўзбекистон фуқароси Икром Исломович Негматов пичоқ билан етказилган жароҳат оқибатида вафот этди. Бу ҳақда ТИВ матбуот хизмати хабар бермоқда.
Ҳозирги пайтда ҳуқуқни муҳофаза қилиш органлари тергов тадбирларини олиб бормоқда ва марҳумнинг қариндошлари ўзбекистонликнинг жасадини Самарқанд шаҳрида дафн этиш мақсадида жўнатиш учун ҳужжатларни тайёрлашмоқда.
Элчихона вазиятни назоратга олган ва зарурат туғилганда консуллик-ҳуқуқий ёрдам кўрсатади.
