Жорий йилнинг 6 июнидан бошлаб мавсумий Тошкент – Бишкек – Балиқчи (Иссиқ-Кўл) йўналишида халқаро йўловчи поездлар қатнови йўлга қўйилади, деб хабар бермоқда «Ўзбекистон темир йўллари» АЖ матбуот хизмати.
Рейслар ҳар пайшанба куни Тошкент-Марказий вокзалидан соат 20:50да йўлга чиқиб, жума куни соат 20:29да Балиқчи вокзалига етиб боради.
Иссиқ-Кўлдан шанба куни соат 01:59да ҳаракатланган поезд Тошкент шаҳрига якшанба куни соат 05:00да етиб келади.
Халқаро қатнов Қозоғистоннинг “Сариағач”, “Арис-1”, “Чимкент”, “Манкент”, “Тюлкубас”, “Абаил”, “Бурное”, “Жамбул”, “Луговая” ҳамда Қирғизистоннинг “Мерке”, “Чалвадор”, “Қаинди”, “Қораболта”, “Беловодск”, “Тўқмоқ” станциялари, Бишкек-2 ва Балиқчи вокзали орқали амалга оширилади.
