«UzNews.uz»нинг ҳуқуқни муҳофаза қилиш органларидаги манбасининг хабар беришича, 20 январь куни Самарқанд вилояти Пахтачи тумани Истиқлол маҳалласида жойлашган “Хўжа Зиёвуддин” жоме масжидининг том қисми 40 кв.метр майдонда ёниб зарарланган.
Ёнғиннинг тахминий сабаби масжиднинг том қисмига ўрнатилаётган гумбазни пайвандлаш жараёнида ёнғин хавфсизлиги қоидаларининг бузилиши бўлган.
Ёнғинни бартараф этишга 5та ёнғин ўчириш экипажлари жалб этилган. Кўрилган тезкор ҳаракатлар натижасида ёнғиндан бинонинг 181 кв.метр майдони сақлаб қолинган. Тан жароҳати олганлар йўқ.
