ИИВ хабарига кўра, 2019 йил 14 январь куни Тошкент шаҳрининг Учтепа туманида яшаган Е.П.нинг уйида ёнғин содир бўлган.
Дастлабки маълумотларга кўра, ёнғин Е.П. маст ҳолда сигарета чекиб, ухлаб қолиши оқибатида келиб чиққан. Натижада уйнинг 4 кв.м майдонида дивани ёниб, зарар кўрган. Шу билан бирга, Е.П.нинг куйган ҳолдаги жасади топилган ва унинг уйида меҳмонда бўлган қўшниси Н.Р. тутундан заҳарланиб, куйиш жароҳатлари билан касалхонага ётқизилган.
Эслатиб ўтамиз, 12 январь куни Тошкент шаҳрининг Чилонзор туманида яшаган В.К.нинг уйида ёнғин содир бўлган эди. Ўт ўчирувчилар уй эгасининг куйган ҳолдаги жасадини топишган.
