Рақамли иқтисодиёт Ўзбекистон тараққиётининг устувор йўналишларидан бири ҳисобланади. Уни амалга ошириш соҳасида ваколатли орган сифатида Ўзбекистон Республикаси Президенти ҳузуридаги Лойиҳа бошқаруви миллий агентлиги рақамли иқтисодиёт ва блокчейнни ривожлантириш бўйича янги блок ташкил қилмоқда.
Давлат раҳбари фармони билан ушбу блокни Азим Аҳмедхаджаев бошқариши айтилмоқда.
Бошқа ишга ўтганлиги муносабати билан у Ахборот технологиялари ва коммуникацияларини ривожлантириш вазири лавозимидан озод этилган.
Вазирликни эса, Президент ҳузуридаги Лойиҳа бошқаруви миллий агентлигининг собиқ раҳбари Шуҳрат Содиқов бошқариши маълум қилинди.
